ओलीसँगै रहेका पत्रकार विनोद त्रिपाठीका अनुसार खराब मौसमका कारण हेलिकप्टर उड्न नसक्दा ओली जोमसोममै रोकिन बाध्य भएका छन् । तराईसहित पूरा देश बाढीपहिरो र डुबानबाट संकटमा परेका बेला ओली जोमसोमको तिर्थ यात्रामा व्यस्त छन् । उनले त्यहाँ पत्नी राधिकासहित मुक्तिनाथको पनि दर्शन गरेका छन् ।
जहाज र हेलिकप्टर उड्न नसकेपछि ओलीसँगै रहेका पत्रकार त्रिपाठीले फेसबुकमा लेखेका छन्, मौसम यति प्रतिकुल भइदियो कि जोमसोमबाट पोखरा हेलिकप्टर पनि जान सकेको छैन । केपी ओली दम्पती मुस्ताङमै अड्किनु भो । हिजो काठमाण्डौ पुग्नुपर्ने । हिजो राती जोमसोम भन्दा २० किमी तल लेते भन्ने ठाउंमा बस्नु भो । हेलिकप्टर आज उड्ला कि । जहाज उड्ने संकेत छैन । बाटो पनि खराब छ ।
यता पुरै देश बाढी र डुबानबाट प्रभावित हुँदा ओली जोमसोममा घुम्नमा मस्त रहिरहेको र पार्टीका कार्यक्रममा व्यस्त भएको भन्दै आलोचना भइरहेको छ । nepalpana.comबाट
प्रतिकृया दिनुहोस्
Posts
0 comments:
Post a Comment