१४ प्रहरी चढेको गाडी एम्बुसमा , चार प्रहरी घाइते, प्रहरी निरिक्षक यादवको अवस्था गम्भिर

   

      सप्तरीको सुरुंगा नगरपालिका छ श्रीपुरमा गस्तीमा रहेको प्रहरी भ्यानलाई लक्षित गरेर बम विस्फोट गराउदा चार प्रहरी घाइते भएका छन् ।

गएराति गस्तीमा रहेको प्रहरी टोलीको बा एक झ सात तीन नौ दुई नम्बरको प्रहरी भ्यानलाई लक्षित गरी श्रीपुरमा प्रेसर कुकर बमबाट बनाइएको एम्बुस बिस्फोट हुँदा प्रहरी निरिक्षक राजेन्द्र यादव सहितका चार प्रहरी घाइते भएका हुन ।

घाइतेमध्ये निरिक्षक यादवको अवस्था गम्भिर रहेको बताइएको छ । घाइते सबैको लाहान अस्पतालमा उपचार भैरहेको छ । विस्फोटवाट प्रहरीको भ्यानमा पनि सामान्य क्षति पुगेको छ ।

विस्फोटको समयमा भ्यानमा रहेका अन्य आठ प्रहरीलाई भने केही नभएको बताइएको छ । घटनापछि प्रहरीले उक्त क्षेत्रमा विस्फोटमा सग्लनको खोजी गरिरहेको छ । विष्फोटको जिम्मा प्रगतिशील तराई मुक्ति मोर्चाले लिएको छ ।