डा. केसीको अनशन समर्थनमा भोजपुर अस्पतालका स्वास्थ्यकर्मी

   

     श्रावण २५, २०७४- डाक्टर गोविन्द केसीको अनसनप्रति सरकारी उदासिनताको विरोधस्वरुप जिल्ला अस्पताल भोजपुरका स्वास्थ्यकर्मीले कालोपट्टी बाँधेर समर्थन जनाएका छन् ।
सरकारी चिकित्सक संघ (गोडान)ले मंगलबार बसेको आकस्मिक बैठकमा गरेको निर्णयअनुसार बुधबार कार्यालय समयमभर कालोपट्टी बाँधेर सर्मथन जनाएको अस्पतालका डाक्टर रत्नवीर सुनारले बताए । स्वास्थ्य क्षेत्रको सुधारको माग राख्दै ११औं पटक अनसनरत डा. केसीको समर्थनस्वरुप उनीहरुले पर्चापम्लेटको मौन प्रदर्शन गरेका छन् ।

'पागल डाक्टरहरुको माग असल नेताको कानमा पुगोस्, मेडिकल माफिया अन्त्य गरौं, गरिब जनताका छोराछोरीले डाक्टर, नर्स पढ्न पाउनुपर्छ, अहिले नगरे कहिले गर्ने, हामीले नगरे कस्ले गर्ने' नारा लेखिएका पर्चाको प्रदर्शन समेत गरेका छन् ।