Breaking :उम्मेदवारको टिकट विवादले कांग्रेस कार्यकर्ताबीच कुटाकुट, १२ घाइते

  

       भाद्र २१, २०७४-उम्मेदवारको टिकटबारे कांग्रेस कार्यकर्ताबीच भनाभनपछि कुटाकुट हुँदा सिरहामा १२ जना घाइते भएका छन् । उनीहरुमध्ये १० जना गम्भीर छन् ।

सिरहा नगरपालिकाको उम्मेदवारको टिकट विवाद सुल्झाउन कांग्रेस सिरहाका सभापति रामचन्द्र यादव, सांसद पदमनारायण चौधरी, गणेश मण्डल, मोख्तार अहमदले बुधबार असन्तुष्टसहित दुवै पक्षलाई छलफलमा विवाद मिलाउने प्रयास गरेका थिए । सदरमुकाम सिरहास्थित पार्टी कार्यालयमा भएको छलफलमा बिहान ११ बजेतिर सिरहा नगरपालिकाका मेयरका उम्मेदवार सुभास यादव पक्षले छलफलकै क्रममा भनाभन हुन थालेपछि कार्यकर्ताबीच कुटाकुट, ढुंगा, लाठी प्रहार भएको सभापति रामचन्द्र यादवले जानकारी दिए । 

आक्रमणमा सिरहा नगरपालिका २१ का कांग्रेस क्षेत्र नम्वर ३ का सभापति सन्जयप्रकाश यादव, सिरहा १५ का रामबाबु यादव,  २ नम्वर वडाका सुधन यादव, मुकेश, वुधन, अरुण, राजेश्वर, देवनारायण साह, १ नम्वर वडाका जगदीश यादव, कामेश्वर यादव घाइते भएका छन् । उनीहरुलाई थप उपचारका लागि विराटनगर पठाइएको सिरहा प्रहरी प्रमुख एसपी शेखर कोइरालाले जानकारी दिए । घाइते अधिकांशको टाउकोमा चोट लागेको छ । घाइते सिरहा १ का रामभगत यादव र साने यादवको स्थानीय अस्पतालमा उपचार भइरहेको छ । दुवैतर्फको आक्रमणबाट तनाव बढेपछि प्रहरीले दिउँसो स्थिति नियन्त्रण लिएको थियो । 

‘सिरहा नगरपालिकामा मेयरको टिकट सुभास यादवले पाएपछि वडासहित मेयरकोको विषयमा कांग्रेस जिल्ला सचिव उपेन्द्र यादव पक्षबीच विवाद बढेको थियो’ सभापति रामचन्द्र यादवले भने ‘छलफलकै क्रममा हाताहाल र आक्रमण हुनु राम्रो काम होइन, यो पार्टी हितविपरीत छ ।’

घाइते सिरहा क्षेत्र नम्वर ३ का सभापति सञ्जयप्रकाश यादवले दुई पक्षबीच सहमति हुनलाग्दा आफूहरुमाथि आक्रमण भएको बताए । कांग्रेस कार्यकर्ताबीच कुटाकुट भएपछि सिरहा नगरपालिकामा उम्मेदवार मनोनयन दर्ता समेत ढिलाई भएको थियो । राति अबेरसम्म सिरहामा मनोनयन दर्ता भएको निर्वाचन कार्यालयले जनाएको छ ।

https://www.blogger.com/comment.g?blogID=1030296339816313369&postID=2749294441242990017&page=1&token=1520323952180&isPopup=true
http://jayce-o.blogspot.com/2012/11/creative-new-year-card-designs-inspiration.html
https://theteachingthief.blogspot.com/2013/01/happy-new-year-goals-and-leader-in-me.html?showComment=1520324253751#c8618326023109112982
https://www.blogger.com/comment.g?blogID=5313913412644984738&postID=109724294541232973&page=1&token=1520324356052&isPopup=true

https://primarypowers.blogspot.com/2015/01/happy-new-year-all-around.html?showComment=1520324577627#c5559295204347345656

https://www.blogger.com/comment.g?blogID=7173052990851751381&postID=5407275598374414297&page=1&token=1520324645773&isPopup=true
https://www.blogger.com/comment.g?blogID=8943211319128320311&postID=6427275846800363550&page=1&token=1520324737928

https://geetishabda.blogspot.com/2017/12/happy-new-year-title-song-of-haappy-new.html

http://newyeareve2017.blogspot.com/2016/09/inspirational-short-best-new-year-wishes-messages-sms-quotes-photos-friends-family-business-teacher-2017.html
https://yukonscience.blogspot.com/2018/01/happy-new-year-2018.html?showComment=1520324981851#c8549582183423200720
http://jayce-o.blogspot.com/2012/11/creative-new-year-card-designs-inspiration.html

Read More

रौतहटमा ६ हजार सुरक्षाकर्मी परिचालन हुने

   

   भाद्र २१, २०७४-तेस्रो चरण अन्तर्गत आगामी असोज २ गते रौतहटका १६ नगरपालिका र २ गाउँपालिकामा हुने स्थानीय तह निर्वाचनको सुरक्षा व्यवस्थाका लागि नेपाल, सशस्त्र प्रहरी र नेपाली सेनाका गरी ६ हजार भन्दा बढी सुरक्षाकर्मी परिचान गरिने भएको छ । 

अहिले मुलुकका पुर्व र पश्चिमका जिल्लाबाट आवष्यक सुरक्षाकर्मी आउने क्रम जारी छ । यस अघि आइसकेका सुरक्षाकर्मीलाई सम्बन्धित क्षेत्रमा परिचालन गर्ने क्रम सुरु भइसकेको रौतहटका प्रमुख जिल्ला अधिकारी उद्धव बहादुर थापाले जनाए ।

उनका अनुसार अहिले नेपाली प्रहरीलाई जिल्लाभर ‘छ्यापछ्याप्ती’ बनाइएको छ । सशस्त्र प्रहरी परिचालन व्यापक छ । नेपाली सेनाले पनि गस्ती थालेको छ ।

‘अति संवेदनशील, संवेदनशील र सामान्य क्षेत्रमा विभाजन गरेर सुरक्षा रणनीति बनाएका छौं,’ उनले भने,‘थप सुरक्षाकर्मी आउने क्रम जारी छ ।’ जिल्लामा सिमावर्ती नगरपालिकाकालाई अति संवेदनशील मानिएको छ । 

त्यसैले जिल्लाका सिमा जोडिएका भारतीय सितामढी र चम्पारणका समकक्षी सित वार्ता गरेर चुनाव अवधीभर सिमा ‘शिल’ गर्ने तयारी भएको प्रमुख जिल्ला अधिकारी थापाले बताए । उनका अनुसार सितामढीका सरकारी अधिकारीसित यसअघि नै सुरक्षा सम्बन्धमा बैठक भइसक्यो । 

चम्पारणका सरकारी अधिकारीसँग भोलि बिहीबार वीरगंजमा संयुक्त बैठक बस्दै छ । 

Read More

रविना र प्रियंकाको यस्तो सेल्फी

नायिका प्रियंका कार्की अहिले चलचित्रको भन्दा प्रेमको रंगले बढी रंगिएकी छिन् । नायक आयुष्मान देशराज जोशीसँगको प्रेमका कारण प्रियंका कार्की चर्चित छिन् । आयुष्मान र प्रियंका प्राय एकसाथ हुन्छन् ।

प्रियंका आयुष्मानसँग मात्र होइन, उनको परिवारसँग पनि नजिक छिन् । आयुष्मानकी आमा बैंकर रविना देसराजसँग पनि प्रियंका निकै नजिक छिन् । केही समय अगाडि अनलाइनखबरसँग कुरा गर्दै रविना र प्रियंकाले आफूहरुको निकटता प्रष्ट पारेका थिए । जुन भिडियो तपाइले यहाँ हेर्न सक्नुहुनेछ ।

उनै,प्रियंकाले आफ्नो इन्स्ट्राग्राममा एउटा तस्बिर शेयर गरेकी छिन् । रविनासँग प्रियंकाले शेयर गरेको तस्बिरमा उनीहरु हट देखिएका छन् । स्विमिङका लागि तयार भएपछि यी दुइले तस्बिर लिएका थिए ।

प्रियंकाले ऐनाको अगाडि खिचेको यो सेल्फीले सामाजिक संजालदेखि मिडियामा राम्रै चर्चा पाइरहेको छ ।

२०७४ भदौ १९ गते ११:१० मा प्रकाशित

Read More

युएईस्थित नेपाली दूतावासद्वारा ५१ मानव तस्करको नाम सार्वजनिक

भाद्र १९, २०७४ संयुक्त अरव इमिरेट्स (युएई) स्थित नेपाली दूतावासले गैरकानुनी ढंगले कामदार ओसारपसार गर्ने ५१ जना दलाल, ठग र मानवतस्करको नाम सार्वजनिक गरेको छ । दुतावासले आज विज्ञप्ती जारी गर्दै कारवाहीका लागि उनीहरुको नाम सार्वजनिक गरेको जनाएको छ । उद्दारको लागि पुगेका पीडित नेपाली महिला र पुरुषले दिएको उजुरीका आधारमा दूतावासले कानुनी कारबाही गर्नका लागि ती व्यक्तिको नाम सार्वजनिक गरेको हो । दूतावासका प्रवक्ता कृष्ण अर्यालकाअनुसार पीडितमध्ये ७१ जनाले उजूरी दिएका थिए । कारबाही गर्नुपर्ने तस्करमा नेपाल र युएईमा रहेका नेपाली नागरिक तथा ट्राभल एजेन्सी समेत छन् । दूतावासले सार्वजनिक गरेको सूचीमा राजिव मल्ल, केशव शिवाकोटी, रेणु सिवाकोटी शाहतेली, ईश्वर श्रेष्ठ, टंक सुवेदी क्यापिटल रिक्रुट्मेन्ट सर्भिसेस लिमिटेड, राकेश खडायत, कुवेर रानाभाट, अन्नपुर्ण ट्राभल्सका विवेक श्रेष्ठ र सुवास श्रेष्ठ, मरिशरण दाश भिक्टोरिया मेनपावर लगायत छन् । दुतावासको विज्ञप्तीमा भनिएको छ, 'सार्वजनिक भएका मानव तस्करलाई कानुनी दायरामा ल्याइ आवश्यक कारवाही गर्नका लागि सहयोग गर्नुहुन तथा उनीहरुसंग सचेत हुन समेत सबैमा जानकारी गराइन्छ ।' साथै, दुतावासले काम गर्नका लागि पर्यटन भिषामा नभई कानुन बमोजिम मान्यता प्राप्त रिक्रुट्मेन्ट एजेन्सी मार्फत जान समेत आग्रह गरेको छ । दूतावासले  पीडितका उजुरीका आधारमा ३३ जना महिलालाई सेल्टरमा राखेर उद्दार गरेको जनाएको छ । यस्तै, भिजिट भिसामा पुगेर अलपत्र परेका ३८ जनालाई उद्दार गरेको दुतावासले जनाएको छ ।  प्रकाशित:भाद्र १९, २०७४

Read More

चीनको ३६ अर्ब लगानीमा नेपालमा सिमेन्ट उद्योग खुल्दै

भाद्र १८, २०७४   नेपालको सिमेन्ट  उत्पादनमा चीनको एक निजी कम्पनीले ३६ अर्ब रुपैयाँ लगानी गर्ने भएको छ । चीनको होक्सी नामक कम्पनीले नेपालको शिवम् सिमेन्टसँगको संयुक्त लगानीमा नवलपरासिमा सिमेन्ट उद्योग खोल्न लागेको हो । ९ सय मेगावट क्षेमताका अरुण तेस्रो र माथिल्लो कर्णालीमा आएको वैदेशिक लगानीपछिको तेस्रो ठूलो लगानीको प्रतिवद्धता आएको लगानीवोर्डले जनाएको छ । लगानीसम्वन्धी सम्झौता पीआईएमा  बोर्डका कार्यकारी प्रमुख सिईओ महाप्रसाद अधिकारी र चिनियाँ कम्पनी होक्सीका निर्देशक लाई वेङले आज हस्ताक्षर गर्ने कार्यक्रम छ । नवलपरासीमा उत्पादन गर्ने भनिएको सिमेन्टका लागि आवश्यक ढुङ्गा भने पाल्पाको ज्यामिरेबाट निकालिने सम्झौतामा उल्लेख गरिएको छ । सन २०१८ को पहिलो ३ महिना देखि नै सिमेन्ट उत्पादन शूरु गर्ने भनिएको सो उद्योगबाट दैनिक ६ हजार मेट्रिक टन सिमेन्ट उत्पादन गर्ने लक्ष्य राखिएको छ । उद्योगबाट १ हजार भन्दा वढी नेपालीले प्रत्यक्ष रोजगारी पाउनेछन् । विदेशी लगानी भित्र्याउने नाममा वढी सहुलियत दिएको भन्दै सिमेन्ट उत्पादन गर्दै आएका नेपाली उद्योगीले भने लगानीवोर्डको आलोचना गरेका छन् ।    प्रकाशित:भाद्र १८, २०७४

Read More

इन्दिरा जोशीको पुत्ला बुद्ध समर्थक द्वारा जलाईयो ! चितवनमा रेनु दहालको नेतृत्वमा सागरको समर्थनमा राँके जुलुस – केदार घिमिरे फन्नी पोस्ट

काठमाण्डौ,१६ भदौ | नेपाल आइडल बारे सबैले आफ्नो आफ्नो धारण व्यक्त गरीरहदा नेपाली हास्यकलाकार केदार प्रसाद घिमिरे “माग्ने बुढा”ले पनि निकै नै व्यंग्यात्मक शैलीबाट नेपाल आइडल बारे यसरी सामाजिक संजालमा पोष्ट गरेका छन् |नेपाली राजनीति देखि आइडल सम्मको कुरालाई जोडेर निकै रोचक तरिकाले मज्जैले घोचेका छन् |



हेरौं,उनी केदार घिमिरेले लेखेका स्टाटस जस्ताको त्यस्तै “समसामयिक समाचार काठमान्डु।
नेपाल आइडलको फाइनल नजिकै पुग्दा देशैभरि अप्रिय घटनाका समाचार आइरहेका छन । सागर आलेका समर्थकले चितवनमा लाठि जुलुस निकालेका छन । जुलुसको नेत्रित्व रेनु दहालले गरेकि छिन । भरतपुरबाट शुरु भ​एर नारयनघाट तर्फ जुलुस बढ्न लाग्दा प्रहरि सङ भ​एको झडपमा वाइसियल इन्चार्ज सरगम्,शुर , आलप लगाएत २४ जना घाइते भ​एका छ्न । यता प्रचन्डले बिज्ञ्प्ति जारि गरि जनजातिलाइ पाखा लगाएमा त्यस्को जिम्मेबारि शेर बहादुरले लिनुपर्ने बताएका छन । बिज्ञप्तिको पुर्न पाठ अर्को पोस्टमा हेर्नुहोला। यसैगरि पोखरामा बुद्धलामाका समर्थकले इन्दिरा जोशिको पुत्ला जलाएका छन , आन्दोलनको नेत्रित्व नेत्रबिक्रम चन्द्ले गरेका छन , नगर परिक्रमा पछिको आमसभामा बोल्दै चन्द्ले” पुजिबादि सर्बसत्ताबादले सिम किन्दै क्रितिम भोटको नाटक गरि बुद्ध लामालाइ हराइएमा एपि वान टिभिमा बम हान्ने ” बताउनुभयो । ललितपुरमा हिजो साझ प्रताप दाशका समर्थकले रान्के जुलुस निकालेका छन , जुलुशको नेत्रित्व बाबुराम भट्ट्रराइ र करिस्मा मानन्धरले गरेका थिए, प्रताप दाश जिन्दाबाद , न्हयु बज्राचार्य मुर्दाबाद भन्दै अगाडि बढेको जुलुसमा प्रहरिले लाठि चार्ज गर्दा करिश्माको आधा टाटु झरेको छ। उनको उपचार पाटन अस्पतालमा भैरहेको छ । बाबुरामले करिस्माको टाटु जस्ताको तस्तै बनाउन सरकार सङ माग गर्नुभ​एको छ। यता बालकोटमा केपि ओलिको नेत्रित्वमा अरनिको राजमार्ग अबरोध गरि बाटोमै निशान भट्टराइको समर्थनमा आमसभा गरिएको छ, आमसभाको साथसाथै सान्स्क्रितिक कार्याक्रम पनि गरिएको सो आन्दोलनमा बद्रि पङेनिले गित गाएका थिए भने भुवन केसिले एकल न्रित्य प्रस्तुत गरेका थिए , कालि प्रसादको पुत्ला दहन पस्चात बोल्दै केपि ले भने ” पारि त्यो डान्डामा हेर घाम लाज्ञ्यो ” भन्ने गित झट्ट सुन्दा एमालेको जस्तो लागे पनि , ” म नि केमा कम छुनि ” भन्ने ठाउमा “के” र “मा” को अर्थ( मा-ओबादि के-न्द्र ) हो , सबैले बेलैमा बुझ्नुपर्ने बताए । उता डडेल्धुरामा निस्केको जुलुसमा सडक छेउका सम्पुर्न रुख भाचिएको छ। जुलुसले रिमा बिश्वकर्मा लगाएत सम्पुर्न जजहरुको पुत्ला जलाएको छ, जुलुस पछिको आमसभामा बोल्दै शेर बहादुर देउबाले ” भन्दाखिन्लाइ एउटा पनि गायक गायिका शुदुर पश्चिमबाट पर्दैन भने त्यस्तो आइडल होकि फाइडल किन गर्ने ? ” । निर्बाचन आयोगले भने यस्तो अबस्थामा २ नम्बर प्रदेशको चुनाब गर्न नसक्ने ब्यहोराको पत्र सरकारलाइ पठाइसकेको छ। अहिले सिहंदरबारमा सुरछ्या परिसद्को बैठक बसिरहेको छ । अब यस्तै समाचार आउन मात्र बाकि छ ।”

Read More

९ वर्षीय बालकलाई संसारमै दुलर्भ मानिने रोग ‘हिर्स्चस्प्रुंग’ लागेपछि

सामान्य अवस्थामा जन्मिएका ९ वर्षीय एक बालक संसारमै दुलर्भ मानिने रोग लागेपछि खान–लाउन र स्कुल जानसमेत अप्ठ्यारो परेको छ ।दक्षिण पाकिस्तानको विकट गाउँमा परिवारका साथ रहेका सह गुल मजारी नाम गरेका ९ वर्षीय बालकलाई मेडिकल भाषामा ‘हिर्स्चस्प्रुंग’ भनिने दुलर्भ रोग लागेको चिकित्सकहरुले बताएका छन् ।
‘हिर्स्चस्प्रुंग’ रोग लागेको बालबालिकाको पेट फुलेर फर्सीभन्दा ठूलो हुने गर्दछ । यसको कारण पेटभित्र रहेको आन्द्रा–भुँडीमा मल तथा दिसा जम्नु हो । उनका बाबु निएज मजारी र आमा मिएन जोह्रनले आफ्नो छोराको बढ्दै गएको पेट देखेर डर लागिरहेको बताए । मजारीलाई अहिले कपडासमेत लगाउन अप्ठ्यारो भएको छ । उनी स्कुल जानसमेत सकेका छैनन् ।
चिकित्सकले सहगुलको समयमै उपचार नभए पेटमा संक्रमण बढ्ने र जटिल रोग ‘इन्टरोकोलेटिक्स’ लाग्ने, जसबाट पेट अहिलेको तुलनामा दोब्बर हुने र बाँच्ने सम्भावना २० प्रतिशतमात्रै रहने बताएपछि उपचार खर्च जुटाउन समस्या भइरहेकोे निएज मजारीले बताए ।
उनका बाबुले सहगुललाई सुरुमा सरकारी अस्पतालमा निःशुल्क उपचार गरिएपनि खासै उपलब्धि नभएकाले राम्रो अस्पताल जान चाहेको बताए ।सरकारी अस्पतालमा परीक्षण गरेपछि एकपटक शल्यक्रियामार्फत् पेटको केही भाग ‘मासु’ निकालिएको उनको बाबुको भनाइ छ ।तर, शल्यक्रियाको केही हप्तासम्म छोराले पेटमा दुखेको बताएको र त्यसको केही महिनापछि फेरि पेट फुल्न थालेको उनको आमा मिएन जोह्रनले बताइन् ।हाल समरितान हुसैन मस्टोय नाम गरेका कराँचीका प्रहरी अधिकृतले सहगुलकाबारेमा थाहा पाएपछि आफ्नै खर्चमा उपचार गर्ने शर्तसहित कराँचीको जीन्हा अस्पताल ल्याएका छन् ।
हुसैनले बच्चाको हालतले सहयोग गर्न बाध्य पारेकाले उनको परिवारसँग कुरा गरेर जीन्हा अस्पताल ल्याएको बताएको डेलिमेलले उल्लेख गरेको छ । उनले भने–‘बच्चाको लाइफ सेभिङ सर्जरी गरेपछि सामान्य अवस्थामा फर्कनेसक्ने चिकित्सकले बताएपछि मलाई खुसी लागेको छ । नेसनल हेल्थ सोसाइटी बेलायतकाअनुसार बालबालिकालाई ‘हिर्स्चस्प्रुंग’ रोग लागेपनि कतिपय अवस्थामा किशोर–किशोरीहरुलाईसमेत यो रोग देखापर्न सक्छ ।
अहिलेसम्म यो रोग लाग्नुको खास कारण पत्ता नलागेपनि गर्भाधारणको समयमा आमाको पेटमा देखिने विकृतका कारण यस्तो हुनसक्ने जनाइएको छ ।हेल्थ सोसाइटीले यस्तो रोग लागेमा खाना खाएको ४८ घन्टासम्म पनि दिसा नलाग्ने, पेट ढुस्स फुल्ने, खान मन नलाग्ने, झोलपदार्थ पिउँदा बान्ता हुनेलगायत लक्षणहरु देखापर्ने उल्लेख गरेको छ ।यस रोगको उपचार भनेको समयमै अनिवार्य शल्यक्रिया गर्नुपर्ने सोसाइटीले उल्लेख गरेको छ ।

सेयर गर्नुहोस

Read More

स्वाइन फ्लुबाट नआत्तिऔँ, संक्रमणबाट बचौँ

भाद्र १७, २०७४- स्वास्थ्यमन्त्री गिरिराजमणि पोखरेल बोलचालमा स्वाइन फ्लु भनिने ‘इन्फुएन्जा ए (एच१एन१) को संक्रमणबाट थलिएर एक सातादेखि वीर अस्पतालमा भर्ना भएका छन् । बाढीपीडित क्षेत्रमा स्वास्थ्य उपचार, राहत आदिको अनुगम गर्न जाँदा मौसमी रुघाखोकी भएका स्थानीय बासिन्दाको सम्पर्कमा आउनाले स्वास्थ्य मन्त्रीलाई स्वाइन फ्लु संक्रमण भएको प्रारम्भिक अनुमान गरिएको छ । 

विश्व स्वास्थ्य संगठन (डब्लूएचओ) ले सन् २०१० देखि स्वाइन फ्लु ए (एच१एन१ पिडिएम ०९) लाई मौसमी रूघाखोकीकै श्रेणीमा राखेपछि यसलाई पनि नयाँ नाम दिइएको हो । हाल हाम्रो मुलुकका विभिन्न भागमा मौसमी रुघाखोकीअन्तर्गतको स्वाइन फ्लुको प्रभाव देखिइरहेकाले थप सतर्कता आवश्यक छ । संक्रमणबाट जोगिन सक्ने सरसफाइ आदि उपाय गर्दा यो रोग लाग्नबाट धेरै हदसम्म बच्न सकिन्छ । 

इपिडिमियोलजी तथा रोग नियन्त्रण महाशाखाका अनुसार, यति बेला मुलुकभर फाट्टफुट्ट रूपमा स्वाइन फ्लुको प्रभाव भेटिइरहेकै छ । सन् २०१७ लागेयता यसको संक्रमणले १२ जनाको मृत्यु भइसकेको सरकारी तथ्यांक छ । तर अन्य चिकित्सक वास्तविक तथ्यांक यसभन्दा धेरै बढी हुने आकलन गर्छन् । मुलुकमा हाल शंकास्पद मौसमी रुघाखोकीका बिरामीमध्ये आधा जतिमा स्वाइन फ्लुको संक्रमण देखिएको छ । 

राष्ट्रिय जनस्वास्थ्य प्रयोगशालाकी निर्देशक डा. रुना झाका अनुसार गत एक महिनामा रुघाखोकीका बिरामीका १ हजार ३७ नमुना संकलन गरिएकामा ४ सय ८५ जना अर्थात् ४७ प्रतिशतमा इन्फलुएन्जा ए (एच१एन१) स्वाइन फ्लु देखिएको हो । यस्तै, १९ जनामा इन्फलुएन्जा ए (एच३), एक जनामा इन्फुएन्जा बी भेटियो ।

शुक्रराज ट्रोपिकल तथा सरुवा रोग अस्पताल, टेकुमा रुघाखोकीको समस्या लिएर दिनहुँ पुग्नेहरूको संख्या कम्तीमा ५० हुने गरेको औंल्याउँदै डा. शेरबहादुर पुन भन्छन्, ‘यो संक्रमण एक सातायता बढेको जस्तो छ । दिनहुँ ६ जनाजति प्रयोगशाला प्रमाणित केस हुने गरेका छन् ।’

निजी प्रयोगशालाले स्वाइन परीक्षण गरेको धेरै शुल्क लिन्छन् भने, राष्ट्रिय जनस्वास्थ्य प्रयोगशालामा नि:शुल्क हुन्छ । आवश्यक नभएका व्यक्तिहरूसमेत परीक्षणका लागि आउँदा उपलब्ध साधनस्रोत अत्यावश्यक व्यक्तिका लागि अभाव हुन सक्ने औंल्याउँदै डा. झा भन्छिन्, ‘स्वस्थ व्यक्तिलाई सामान्य मौसमी रुघाखोकी लाग्दैमा स्वाइनको परीक्षण गरिहाल्नुपर्दैन ।’

मुख्य रूपमा मौसमी रुघाखोकीका लक्षण देखिएकामध्ये रोग प्रतिरोधक क्षमता कम भएका, उच्च ज्वरो भएका, गर्भवती, बूढापाका, ५ वर्षमुनिका, दीर्घ रोगीहरूले स्वाइन फ्लुसम्बन्धी परीक्षण गराउन सक्छन् । मौसमी रुघाखोकी, स्वाइन फ्लु आदि कडा रूपमा देखिन सक्ने समूहमा तपाईं, तपाईंको परिवार, छरछिमेक, समाजका थुप्रै व्यक्ति हुन सक्छन् । यस्ता व्यक्तिलाई रुघाखोकीको संक्रमण हुन नदिनसमेत सकेसम्म प्रयत्न गर्नुपर्छ । यदि भई नै हाल्यो भने सामान्य स्वस्थ व्यक्तिको दाँजोमा थप चनाखो हुनुपर्ने आवश्यकता हुन्छ । 

स्वाइनलगायतका मौसमी रुघाखोकीले सताउन सक्ने जोखिम समूहमा दम, श्वास रोगको समस्या भएकाहरू पर्छन् । मौसमी रुघाखोकी, स्वाइन फ्लुले माथिल्लो वा तल्लो सासनलीमा संक्रमण गराउन सक्ने भएकोले पहिलेदेखि नै फोक्सो र सासनलीमा समस्या भएकाहरूको लागि यो घातक हुन सक्छ । 

हाम्रो मुलुकमा धूमपान र मद्यपान गर्नेहरू पनि स्वाइन फ्लुको उच्च जोखिममा छन् । ‘हामीले केही केसमा बाहिरबाट स्वस्थ देखिएका कम उमेरका व्यक्तिमा यो संक्रमण कडा रूपमा देखिएर मृत्युसमेत हुने गरेको भेट्यौँ र कारण खोतल्दै जाँदा मद्यपानलाई समेत कारक मानेका छौं,’ इपिडिमियोलजी तथा रोग नियन्त्रण महाशाखाका डा. गुणनिधि शर्मा भन्छन्, ‘मदिराको अम्मलीहरूमा समेत यो संक्रमण सजिलै देखिने र कडा रूपमा प्रस्तुत हुने गरेको पाइएको छ ।’ 

हात/गला नमिलाऔँ, नमस्ते गरौं
मुलुकमा स्वाइन फ्लु सबैभन्दा बढी हात/गला मिलाउनाले फैलिरहेको आकलन विज्ञहरूको छ । अभिवादनका लागि नेपाली संस्कृतिको नमस्कार, प्रमाण गर्ने चलन अपनाउँदा यो संक्रमणको जोखिमसमेत कम हुने उनीहरूको धारणा छ । 
‘जो भेटे पनि आजकल हात मिलाउने चलन छ,’ डा. पुन भन्छन्, ‘हात मिलाउने चलन बन्द गर्दा ३० प्रतिशतभन्दा बढी रुघाखोकी, स्वाइनलगायतका यस्ता संक्रमण हुने सम्भावना कम हुन्छ ।’

रुघाखोकी लागेकाहरूबाट एक मिटर टाढै बसौं
रुघाखोकीजस्तो लक्षण बोकेकाहरूको सम्पर्कमा पुग्दा करिब एक मिटर परै बस्ने गरे संक्रमणबाट धेरै हदसम्म जोगिन सकिन्छ । 
‘इम्फलुएन्जा सास मात्र 
फेरि रहेको बेलामा सामान्यत: सर्दैन,’ डा.शर्मा भन्छन्, ‘खोक्दा, हाच्छिउँ गर्दा मुखबाट निस्किने पानीका ससाना कणका माध्यमले एक व्यक्तिवाट अर्कोमा सर्छ ।’

खोकी लागे तीन दिन घरमै बसौं
ज्वरो र रुघाखोकीको समस्या भएकाहरू सकेसम्म तीन दिनसम्म घरमै सुरक्षित रूपमा बस्दा अन्य व्यक्ति संक्रमणको जोखिममा पर्दैनन् । 
बिरामी विद्यार्थी स्कुल, कलेज नजाने गर्दा, रुघाखोकी भएका व्यक्तिहरू आफ्नो कार्य क्षेत्र, भीडभाड भएको ठाउँमा नजाँदा संक्रमण नियन्त्रणमा सघाउ पुग्छ । 

लक्षण
– एक्कासि उच्च ज्वरो
– टाउको/जीउ दुखाइ
– घाँटी खसखस
– सुक्खा खोकी
– नाकबाट पानी बग्नु
– वाकवाकी र पखाला

उपचार
कडा रुघाखोकी देखिए र प्रयोगशाला परीक्षणले स्वाइन फ्लुको पुष्टि भए एन्टिभाइरल सहित अन्य औषधि दिइन्छ । यसका अतिरिक्त बिरामीलाई प्रशस्त आरामलगायतका अन्य प्रक्रिया अपनाइन्छ । परिवारको कुनै सदस्यलाई यो रोग लागेको छ भने अन्य पारिवारिक सदस्यहरूलाई संक्रमणबाट जोगाउन १० दिनसम्म एन्टिभाइरल औषधि दिने गरिएको डा. पुन बताउँछन् ।

स्वाइन फ्लुको समयमै उपचारले रोग निको हुन्छ । 

लापरबाहीलगायत ढिलो गरी उपचार प्रक्रियामा आउनाले यो रोगबाट मृत्यु हुने सम्भावना बढी देखिएको छ ।

Read More

यी हुन् फेसबुकबाट ४३ लाख ठगी गर्ने ‘हाइप्रोफाइल’ युवती

काठमाडौँ, १६ भदौ । काठमाडौंकी एक युवतीको ठगी धन्दा देखेर प्रहरी नै आश्चर्यमा परेको छ । बिदेशी गिरोहसँग मिलेर नेपालमा दर्जनौंलाई ठगी गर्ने युवती अन्ततः प्रहरीको फन्दामा परेकी छिन् ।

उनी हुन्, सोलुखुम्बु घर भई काठमाडौंको बौद्ध बस्ने ३३ बर्षीय आङलेमी शेर्पा । उनको ठग्ने शैली प्रहरीका लागि पनि नयाँ विषय बनेको छ । दर्जनौं युवतीहरुलाई नाटकीय शैलीमा ठगी गरेकी शेर्पालाई नेपाल प्रहरीको केन्द्रीय अनुसन्धान व्युरोले पक्राउ गरेको छ ।

फेसबुकमार्फत चिनजान गर्ने र महंगा उपहार पठाएको भनेर झुक्याउदै त्यसवापत लाग्ने करका नाममा उनले ठग्दै आएको खुलासा भएको छ । विदेशीसँग मिलेर उनले अहिलेसम्म ३४ जनाबाट ४३ लाख रुपैयाँ ठगी गरिसकेको सिआईबीले जनाएको छ ।

कसरी भयो ठगी ?

ठगी आरोपमा पक्राउ परेकी शेर्पा काठमाडौंकै एक सहकारीमा काम गर्थिन । तर उनको रबाफ भने अर्कै थियो । आफू धनी व्यक्ति भएको भ्रममा पारी गिफ्ट पठाइदिने लोभमा उनीहरुको समूहले थुप्रैलाई एकपछि अर्को गरी फसाएको हो । उनले पार्सलका लागि भनेर विभिन्न व्यक्तिले पठाएको पैसा लिएर बिदेश पठाउने गरेको प्रारम्भिक अनुसन्धानमा खुलेको छ ।

शेर्पाको समूहबाट ठगिनेमा धेरैजसो महिला छन् । फेसबुकमा बिदेशी नाममा फ्रेन्ड रिक्वेष्ट पठाउने र चिनजान गरी सम्बन्ध विस्तार गरी उनीहरुले ठगी गर्दै आएको प्रहरी अनुसन्धानमा देखिएको छ ।

यतिसम्म कि बिश्वासमा पार्न उनीहरुले भारतीय नम्बरबाट फोन गरी पार्सल भारतमा आइपुगेको र त्यसका लागि केही कर लाग्ने भन्दै पैसा मागेर ठगी हुँदै आएको प्रहरी अनुसन्धानमा खुलेको छ । ठगिएकामध्ये धेरैले मनि ट्रान्सफरमार्फत पैसा पठाएका थिए । त्यो पैसा शेर्पाले बुझ्ने गरेकी थिइन् । अमेरिकामा बस्दा चिनजान भएका व्यक्तिको आग्रहमा आफूले पैसा लिने गरेको उनले बताएकी छिन् ।

फेसबुकमा चिनजान भएको साथीबाट उपहार लिने प्रलोभनमा फस्दा ५० भन्दा धेरै महिला ठगिएका छन् । महानगरीय अपराध महाशाखामा पनि धेरै महिलाहरुले उजुरी गरेका छन् 

Read More

Nepal Idol लाइभ हेर्नुस. facebook मै .आजको आउट हुन्छ..?? र तपाईंको साथीले नि हेरुन सेयर गर्दैजानुहोला

Nepal Idol मा आज को बाहिरिएला
दर्शकको भोटिङको आधार बनाएर आज नेपाल आइडलले एक जनालाई बिदाई गर्दैछ आज।।
भने बाकी सबै तिन जना ग्राण्ड फिनाले मा एकै साथ भिड्दैछन…
सबैको रोजाइमा रहेका सहभागीलाई आज के कति भोट झर्छ त्यो त बेलुका सम्म कुर्नै पर्छ ..
तर सागर आले, प्रताप दास निशान भट्टराई बुद्ध लामा मध्ये एकले चै नेपाल आइडलको मंचबाट बिदाई हुने दिन हो आज।।
कृपया आफ्नो विचारमा तल कमेन्टमा राख्नुहोला।।

Read More

आज भदौ १५ इराकमा १२ जना नेपाली मारिएको दिन अर्थात मुलुकभर सन्नाटा छाएको त्राशदीपूर्ण त्यो कालो दिन…पढ्नुहोस अनि RIP लेखेर Share गर्नुहोस

इराकमा १२ नेपाली युवा अपहरणमा परेको खबर आगोझैं सल्कियो । त्यसपछिका दिनमा आफूहरुलाई मुक्त गर्न आग्रह गरिरहेका पीडित युवाको भिडियो सार्वजनिक गर्‍यो, अपहरणकारी समूहले । तर, सरकारी प्रयास प्रभावहीन देखिँदा उनीहरु मुक्त हुन सकेनन् ।
१५ भदौ ०६१ मध्यान्ह । ११ दिनपछि अपहरित सबै युवाको हत्या भएको खबरले मुलुकभर सन्नाटा छायो । तीमध्येका एकको शीरच्छेदन र अरुलाई गोली हानी हत्या गरिएको भिडियो सार्वजनिक गर्‍यो, आतंककारी समूहले ।
१६ भदौ ०६१ । काठमाडौं उपत्यकाभर आक्रोसित भीडहरुले म्यानपावर कम्पनीका कार्यालयहरु तोडफोड गर्न थाले । इतिहासमै नदेखिएको दंगा फैलियो, राजधानीमा ।
तत्कालिन गृहसचिव अनन्तराम पाण्डे पितृ श्राद्धका लागि विदामा थिए । तत्कालीन जिल्ला प्रहरी काठमाडौंका एसपी नारायण बस्ताकोटी सञ्चार सेटसमेत बन्द गरेर बेपत्ता थिए, बिहानैदेखि । घटना हुन्जेल उनी सम्पर्कमै आएनन् । र, विदा छोट्याएर कार्यालयमा हाजिर हुने र दंगा नियन्त्रणमा कस्सिने ‘प्रो-एक्टिभनेस’ देखाउन सकेनन्, गृहसचिव पाण्डेले पनि । देशै रोएका बेला दुवै जिम्मेवार अधिकृतको चरम गैरजिम्मेवारी छताछुल्ल भयो ।
म्यानपावर कम्पनीलाई मुख्य ‘टार्गेट’ गरेका हिंसात्मक समूहहरुले विस्तारै मस्जिदहरुमा आक्रमण थाले । काठमाडौंका प्रमुख जिल्ला अधिकारी रहेका वामनप्रसाद न्यौपानेलाई आफ्नै एसपी सम्पर्कमा नहुँदा हिंसा नियन्त्रणमा लिन हम्मे हम्मे पर्‍यो ।
हिंसात्मक समूहहरुलाई कसैले नेतृत्व गरेको देखिएन । तर, विस्तारै हिन्दुवादी संगठनहरुको सक्रियता देखियो ।
कांग्रेस नेता चिरञ्जीवी वाग्लेको घरमा पनि तोडफोड भयो । उनका छोराले घरमै म्यानपावर एजेन्सी चलाएका थिए ।
१६ भदौ दिनभरमा उपत्यकाका कुनै म्यानपावर एजेन्सी बचेनन्, तोडफोड हुनबाट ।सबैको गरी करिब पाँच करोड रुपैयाँ बराबरको क्षति भयो
गृहसचिव पाण्डेलाई दंगा सामसुम हुनासाथ सरकारले जगेडा समूहमा सरुवा गर्‍यो । र, चण्डी श्रेष्ठलाई गृह सचिव बनाइयो । काठमाडौंका एसपी बस्ताकोटीलाई भने सरुवा गर्ने हिम्मत कसैले जुटाएन । किनभने, उनी तत्कालीन प्रधानमन्त्री शेरबहादुर देउवा निकटस्थ मानिन्थे । लामो कसरतपछि मात्र उनलाई सहज अवस्था मिलाएर सरुवा गरियो ।
१६ भदौ दिनभरमा उपत्यकाका कुनै म्यानपावर एजेन्सी बचेनन्, तोडफोड हुनबाट । उपत्यकाभरिका करिब साढे पाँच सय वटा म्यानपावर एजेन्सीका कार्यालय तोडफोड भएका थिए । उपत्यकाका ९९ प्रतिशत म्यानपावर ध्वस्त बनाइएको थियो । सबैको गरी करिब पाँच करोड रुपैयाँ बराबरको क्षति भएको थियो ।
म्यानपावरबाट झिकेर जलाइएका र च्यातिएका राहदानी संख्या ४३ हजार थियो । अधिकांश व्यवसायी लुक्न र भाग्न बाध्य भए ।
‘रगत देखेपछि उम्लिने नेपाली स्वभावका कारण देशभर हिंसा भड्किएको थियो,’ त्यतिबेलाका एक उच्च अधिकारी भन्छन्, ‘आत्मामै चोट परेपछि आक्रोस पोखिएको थियो ।’ उनको भनाइमा गृहसचिव या काठमाडौं एसपी नै ‘प्रो-एक्टिभ’ बन्न सकेको भए पनि त्यति ठूलो क्षती हुने थिएन ।
बानेश्वर क्षेत्रबाट दंगा सुरु भएको थियो । म्यानपावर एजेन्सीका कम्प्युटर, पैसा बोकेर हिंडे, आक्रोसित समूहहरुले । त्यहाँ राखिएका राहदानीहरु सडकमा ल्याएर जलाए, छरे । फर्निचरमा आगो झोसे । दनदनी बले, म्यानपावरका कार्यालयहरु ।
न्यायको लडाईं
निर्दोष नेपाली युवा अनाहकमा मारिएको घटना र त्यसपछि फैलिएको हिंसाबाट वैदेशिक रोजगार विज्ञ तथा राष्ट्रिय योजना आयोगका पूर्वसदस्य डा. गणेश गुरुङको मनमा छटपटी पैदा भयो ।
उनी १२ परिवारकै घर-घरमा पुगे । त्यस क्रममा धनुषाको महेन्द्रनगरको एक पीडित परिवारलाई भेटे । मृतककी आमालई पक्षघात भएको थियो । फुसको घर, त्यो पनि बन्धकी राखेर छोरालाई वैदेशिक रोजगारीमा पठाएका रहेछन्, बाबुआमाले ।
काठमाडौं फर्केर डा. गुरुङले उनीहरुलाई इराक पुर्‍याउने अमेरिकी कम्पनीविरुद्ध मुद्दा लड्ने निर्णय लिए । सोही क्रममा उनी बेलायतको राजधानी लन्डन पुगे ।
संयोगवस, त्यहाँ नेपालीहरुको एक भेलामा सहभागी हुन पाए । र, १२ जनाको परिवारलाई सहयोग गर्न आव्हान गरे । त्यहाँ उठेको रकमबाट हरेक परिवारको भागमा डेढ लाख रुपैयाँजति पर्‍यो ।
त्यसपछि डा. गुरुङ अमेरिका पुगे । तर, वकिलहरु भेट्न चर्को पर्‍यो उनलाई ।
१२ जनाको रोजगारदाता केबीआर कम्पनी तत्कालीन अमेरिकी उपराष्ट्रपति डिक चेनीको थियो । त्यसविरुद्ध मुद्दा लड्न कोही तयार भएन ।
एउटा वकिलको कम्पनीमा समय नलिई पुगे, जहाँ डा. गुरुङलाई जबर्जस्ति धकेलेर बाहिर निकालिदिए । तर, उनले हिम्मत हारेनन् ।
त्यसबीचमा एक अमेरिकी पत्रकार एक्कासी डा. गुरुङलाई भेट्न आइपुगे । उनलाई १२ जनाको परिवारबारे जानकारी लिनु थियो । उनी वकिल खोजिदिन राजी भए । तर, सर्त राखे, १२ जनालाई इराक पठाउने म्यानपावर दलाल प्रल्हाद गिरीलाई भेटाइदिनु पर्ने ।
काठमाडौं आएर प्रल्हाद गिरीको खोजी थालियो । उनको कार्यालय पुलचोकमा थियो । तर, उनी बेपत्ता थिए । उनी मुस्किलले टेलिफोनमा कुरा गर्न तयार भए । तर, भेट्न मानेनन् ।
त्यसपछि उनलाई थाहै नदिई तस्बिर खिच्ने योजना बनाए र उनको कार्यालयको सामुन्नेको एउटा कोठामा क्यामेरा लिएर बसे । एक बिहान गिरी कार्यालय छिर्दै गर्दा अमेरिकी पत्रकारले धमाधम तस्बिर खिच्न भ्याए । त्यसयता गिरी फरार छन् ।
ती पत्रकारको सहयोगमा अमेरिकी वकिलहरुले परिवारबाट कागजात पठाइदिन भनिरहेका थिए, डा. गुरुङ कागजात जुटाउन लागिपरेका थिए । एक राति एक वकिलले उनलाई फोन गरे र भने, ‘हामी मुद्दा लिन तयार भयौं ।’
वासिङ्टनको कोहेन एन्ड मिल्स्टेन कम्पनीले १२ जनाको मुद्दा लडिदिने भयो । अमेरिकाका राज्यपिच्छे फरक कानुन छन् । कोहेन एन्ड मिल्स्टेन कम्पनीले तयार पारेको मुद्दा पनि राज्यपिच्छे कमजोर या बलियो हुने रहेछ । केबीआर कम्पनीले आफ्नो मुख्यालय टेक्सासमा भएकाले त्यहीँको अदालतमा मुद्दा सारिदियो । टेक्सासको कानुनमा पीडितले गरेको जिकिर कमजोर हुन्थ्यो ।
२७ अगस्ट २००८ मा पहिलो पटक मुद्दा दायर गरिएको थियो । २८ सेप्टेम्बर २०१५ मा दोस्रो मुद्दा दायर गरियो, भर्जिनिया अदालतमा । क्षतिपूर्तिको पहिलो मुद्दाको फैसला नोभेम्बर २००८ मै आयो, जुन पीडितका पक्षमा थियो । पीडित परिवारले पैसा पाउने भए ।
त्यही क्रममा उक्त कम्पनीले गोप्य रुपमा नेपालको कुनै वकिललाई परामर्शदाता नियुक्त गर्‍यो । अमेरिकाको नियममा पक्ष र विपक्षका वकिलले आफूले संकलन गरेका प्रमाणहरु साटासाट गर्नुपर्छ । पीडित परिवारमध्ये एकले मुद्दा हार्ने कागजात ल्याएर पेश गरिदियो ।
‘बुवा-आमा, म अहिले जोर्डनमा छु । यहाँ राम्रै छ । तपाईंहरु नआत्तिनु होला । अब हामी इराक जाँदैछौं । इराक पुगेर फोन गर्छु’ लेखिएको पत्र थियो त्यो ।
मुद्दाको मिसिलमा उनीहरुलाई बलजफ्ती इराक पुर्‍याइएको उल्लेख थियो । त्यो पत्रबाट भने राजीखुशी साथ गएको बुझिन्थ्यो ।
कम्पनीका वकिलले आफ्ना विपक्षीलाई पनि फोटोकपी गरेर दिए, त्यो पत्र । तर, विपक्षी वकिलले ती पीडितको मुद्दा नै झिकिदिन भने । र, मुद्दाको फैसला पीडितका पक्षमा आउनबाट कसैले रोक्न सकेन । अर्थात्, विपक्षी वकिलको सुझबुझले न्याय पाए, पीडित परिवारले ।
हरेक परिवारले एक करोड रुपैयाँभन्दा बढी पाउने भए । धनकुटाका मंगल लिम्बुको परिवारले भने केही पाएन । किनभने, उनको विवाह भएको थिएन र बाबुआमाको पनि मृत्यु भइसकेको थियो । अमेरिकी कानुनले उनका दाजुभाइलाई चिन्दैनथ्यो ।
ग्लोबल बैंकमा खाता खोलेर उनीहरुको पैसा जम्मा गराइयो । र, ग्लोबल आईएमई बैंकमा खाता खोलेर नेपालतर्फ ट्रान्सफर गराइयो ।
मानव बेचविखनको मुद्दा भने टेक्सासको अदालतले हराइदियो । अमेरिकाभन्दा बाहिरको घटना भएकाले त्यसमा अमेरिकी कम्पनीको संलग्नता देखिँदैन भनिदियो अदालतले । अब पुनरावेदन दिने कि नदिने भन्ने छलफल छन्, पीडित परिवार र डा. गुरुङ ।
पीडितलार्इ मुद्दा जिताउन सरकारी निकायले पूर्ण असहयोग गरेका थिए । गृह मन्त्रालयले पत्रसम्म दिएन, १६ भदौको आगजनी छानविन गर्न गठित आयोगको प्रतिवेदनसम्म दिएन, गृह मन्त्रालयले । ती कागजात समयमै पाएको भए मानव बेचविखनको मुद्दा पनि जित्थे, पीडित परिवारले
यसबीचमा अमेरिकामा रहेका नेपालीहरुले उठाएको रकमबाट हरेक परिवारले अढाइ लाख पाए । जोर्डनको शाही परिवारको कम्पनी थियो, केबीआर कम्पनीको साझेदार । उक्त कम्पनीविरुद्ध पनि मुद्दा दायर गरिएको थियो ।
उक्त कम्पनीले मुद्दामा साथ दिने बताउँदै नेगोसिएसनमा आउन आग्रह गर्‍यो । केबीआरको मुद्दा कायम राख्ने तर जोर्डनी कम्पनीको मुद्दा फिर्ता लिइयो । त्यसवापत हरेक परिवारले करिब २० लाख रुपैयाँ पाए ।
कोहेन एन्ड मिल्स्टेन कम्पनीका कर्मचारी १२ परिवारकै घरमा पुगेका थिए। त्यस क्रममा उनीहरुको गरिबी देखेका थिए । मुद्दा जित्नुअघि उक्त कम्पनीका कर्मचारीले आफ्नो नाफाको केही प्रतिशत सबै परिवारलाई उपलब्ध गराउने बताए । हरेक परिवारले करिब चार लाख रुपैयाँ पाए ।
‘अमेरिका आउँदा/जाँदा मेरो माइलेजको टिकट सकियो । खर्च भयो । तर, परिवारलाई क्षतिपूर्ति दिलाउन पाएकामा मलाई औधी खुशी लागेको छ,’ डा. गुरुङ भन्छन् ।
धनुषाकी पक्षघात भएकी वृद्ध महिलाको उपचार भयो । उनी लठ्ठि टेकेर हिँड्न सक्ने भइन् । छोरा त फर्केर आउने थिएनन्, आमाले भने उपचार पाइन् । स्कुटरमा हिँड्छन्, मृतकका पत्नीहरु । बालबच्चा राम्रो विद्यालयमा पढ्छन् । ११ वटै परिवारले डा. गुरुङलाई भगवानसरह मान्छन् ।
नेपालबाट मानव बेचविखनको मुद्दा अमेरिकामा हालेको पहिलो पटक थियो । तर, त्यसमा सरकारी निकायले पूर्ण असहयोग गरेका थिए । गृह मन्त्रालयले पत्रसम्म दिएन, १६ भदौको आगजनी छानविन गर्न गठित आयोगको प्रतिवेदनसम्म दिएन, गृह मन्त्रालयले । ती कागजात समयमै पाएको भए मानव बेचविखनको मुद्दा पनि जित्थे, पीडित परिवारले ।

Read More

शेर्पा भरियादेखि हलिउडसम्म

कार्तिक १५, २०७२- 
टाफ्टिङ–१, सोलुखुम्बुमा जन्मिएका आङ्फुला शेर्पा हिजोका दिनमा भरिया मात्र थिए । कुनै बेला उनी हिमाली जिल्लाहरूमा पर्यटकहरूको भारी बोक्थे । आफ्नो किशोर अवस्थामा भरिया बनेर धेरै वर्ष बिताएका शेर्पालाई स्थानीय बासिन्दाहरूले समेत खासै चिन्दैनथे । समयले ठूलो कोल्टे फेरेको छ । यतिबेला उनले आफ्नो परिचय मजबुत बनाइसकेका छन् । 

नेपालमा खासै चर्चा नभएको तर विदेशका हलहरूमा व्यापक लोकप्रियता हासिल गरेको हलिउड चलचित्र हो— एभरेस्ट । आङ्फुला शेर्पाले यो चलचित्रमा अभिनय गर्ने अवसर पाएका छन् । आठ जना विदेशी प्रोड्युसरले संयुक्त रूपमा निर्माण गरेको यो चलचित्रमा शेर्पाले आङदोर्जी शेर्पाको भूमिका खेलेका छन् । वास्तविक घटनामा आधारित एभरेस्ट एक साताअघिसम्म संसारका ४ हजार ८ सयवटा हलमा प्रदर्शन भैरहेको थियो । यसको प्रिमियर गर्न शेर्पा स्वयं अमेरिका, बेलायत, युरोप, चीन, बंगलादेश, जापान, अस्ट्रेलिया आदि देश पुगेका थिए । ‘विदेशी दर्शकहरूले खुब मन पराएका छन् ।’ हालैको एक भेटमा उनले सुनाए, ‘एकदमै खुसी लागिरहेको छ । यो चलचित्र विदेशीहरूका लागि ठूलो चासोको विषय बनिरहेको छ ।’ बरु स्वदेशमा यसको त्यति प्रचारप्रसार नहुँदा उनलाई नरमाइलो लागिरहेको छ ।
चलचित्र एभरेष्टले नेपालको पर्यटनलाई टेवा पुर्‍याउन ठूलो मद्दत गरेको छ । कतिलाई त नेपाल भन्ने देश छ भन्ने पनि थाहा थिएन । पछिल्लो समय इटाली, फ्रान्स, जर्मनी, डेनमार्क, बेलायत पुगेका शेर्पाले त्यहाँ पनि नेपालको पर्यटनका सम्बन्धमा प्रचारप्रसार गरेका थिए । ‘पर्यटन क्षेत्रमा यहाँ ठूलो सम्भावना छ ।’ उनी भन्छन्, ‘राजनीतिक अस्थिरता नहुने हो भने यहाँको व्यापार–व्यवसाय निकै फस्टाउँछ ।’ भूकम्पपछि नेपालको पर्वतारोहण खतरामा छ भन्ने सन्देश संसारभर फैलिएको थियो । विदेशी मिडिया, पर्यटकमार्फत फैलिएको त्यस्तो भ्रम मेटाउन यो चलचित्रले ठूलो भूमिका खेलेको छ । ‘हिमाल चढ्नु आफंैमा साहसिक काम हो ।’ शेर्पाले प्रस्ट्याए ‘यो काम चुनौतीपूर्ण हुन्छ ।’ 

बेलायत र अमेरिकाका सार्वजनिक बसहरूमा एभरेस्टको ब्यानरमा आङफुला शेर्पाको तस्बिर देख्न सकिन्छ । यो चलचित्र रिलिज भएपछि शेर्पाले हजारौं प्रतिक्रिया पाए । उनी जहाँजहाँ पुग्थे, नेपाली भएकोमा गौरव गर्नेहरू थुप्रै भेटिन्थे । हिजो उनलाई नचिन्नेहरू एकदमै राम्रो काम गरिछस् भन्छन् । ‘परिवार, मिडिया, साथीभाइ सबैको साथले यहाँ पुगियो ।’ शेर्पा भन्छन्, ‘सबैको सहयोग मिलेन भने जीवनमा अघि बढ्न सकिँदैन ।’ 

ठमेलस्थित पिक प्रमोसनसँग आबद्ध शेर्पा टुर गाइड पनि हुन् । अहिलेसम्म यात्रा गरेकामध्ये अमेरिका र बेलायतको यात्रा आङ्फुलाका लागि यादगार छन् । तीन पटक सगरमाथा चढेका शेर्पा वैशाखमा आएको भूकम्पका बेला सगरमाथाको चौथो शिविर चढ्दै थिए । त्यही बेला १८ जना मरेको दृश्य उनकै आँखाले देखे । ८५ जना गम्भीर घाइते भए । टेन्ट, सामान, ज्याकेट केही बचेन । हिम पहिरो खसेको खस्यै थियो । उनी आधार शिबिर नै फर्किए । आठ दिनसम्म त्यहीं बसेर पर्यटकहरूको सेवा गरेका आङफुला पछि हेलिकप्टर चढेर राजधानी फर्किए । उनको अनुभवमा हिमाल आरोहणका क्रममा कतिबेला मरिन्छ, पत्तो हुँदैन । सुरुमा हिमाल चढ्दा उनमा उत्सुकता थियो, डर थिएन । जसरी हुन्छ चढ्नुपर्छ भन्ने लाग्थ्यो । हिमालका सम्बन्धमा उनले गरेको रिपोर्टिङ बीबीसी, सीएनएन तथा नेसनल जोग्राफी च्यानलहरूबाट प्रसारण भैसकेको छ । एनटिभीमा पनि स्पेसल रिपोर्टहरू प्रसारण भैसकेका छन् । अहिले पनि एनटिभीका लागि हिमालसम्बन्धी रिपोर्टिङ उनैले गर्छन् । नेपाल पर्वतारोहण संघबाट पर्वतारोहणसम्बन्धी तालिम लिएका उनले रविभवनस्थित नाथमबाट पनि ट्ेरकिङ गाइडको तालिम लिएका छन् । 

आङ्फुला फुर्सदमा पत्रपत्रिका पढ्छन्, फेसबुक चलाउँछन् । नेपाली खाना, शेर्पा समुदायको रिल्दुक र विदेशी परिकारहरू उनलाई विशेष मन पर्छन् । शेर्पा रमाइलो स्वभावका व्यक्ति हुन् । गाउँको कुनाकन्दरामा जन्मिए पनि सहरका दोहोरी साँझहरू चहारेर गीत–संगीतमा रमाउँछन् उनी । हलमा गएर चलचित्र हेर्ने उनको बानी त्यति छैन । बरु मन लागेका चलचित्रहरू ल्यापटपमै हेर्छन् । 
चार वर्षअघि सुजुकी ब्रान्डको आई–२० किनेका शेर्पा त्यही गाडीमा हुइँकिन्छन् । २६ लाख रुपैयाँ तिरेर किनेको यो पहिलो गाडी भए पनि बाइक भने १० वटा फेरे । १६ सय पर्ने साइकलदेखि ३ लाख रुपैयाँ पर्ने अमेरिकन ब्रान्डको युएम बाइक चढेका शेर्पा नेपालका सडकदेखि दिक्क छन् । सडकमा परेका खाल्डाखुल्डी, कच्ची बाटोघाटो देख्यो कि रिस उठिहाल्छ । ‘सरकार के हेरेर बसेको छ ?’ उनले रिस पोखे, ‘जनताले तिरेको कर कहाँ जान्छ ?’ २८ हजार पर्ने सुन्तो भिक्टर ब्रान्डको घडी पहिरेका शेर्पा माउन्टेन हार्ड ब्रान्डका पहिरन खरिद गर्छन् । यो ब्रान्डका पहिरन महँगो भए पनि गुणस्तरीय हुने उनको अनुभव छ । प्राय: सर्ट र पाइन्टमा देखा पर्ने आङफुला ग्याजेट्सका सोखिन हुन् । विदेश गयो कि नयाँ–नयाँ ग्याजेट्स किनिहाल्छन् । आईफोन–५ चलाउने शेर्पाले आईफोन–६ भने त्यति रुचाएनन् । अहिले ६ प्लस अर्डर गरेका छन् । ग्याजेट्स र खानपिनमा उनको विशेष सोख छ । एप्पलको आईप्याड र ल्यापटप चलाउने शेर्पा अनलाइनमै समाचार पढ्छन् ।

Read More