नयाँ दिल्लीमा एक गाडीले मोटरसाइकललाई ठक्कर दिँदा दुई नेपालीको मृत्यु

६ भदौ — काठमाडौं, पहिचान नखुलेको एक गाडीले नयाँ दिल्लीको अलिपुरमा एउटा मोटरसाइकललाई ठक्कर दिँदा दुई नेपालीको मृत्यु भएको अनि अर्को एकजना घाइते भएको प्रहरीले बताएको छ । सुरज केशरी, राहुल र लक्षु जीविकाका लागि मम बेच्ने गर्थे । उनीहरू सिंघु सीमा क्षेत्रबाट मोटरसाइकलमा फर्किँदै गर्दा एउटा गाडीले नेसनल हाईवे १ मा हानेको थियो ।

बाटो हिँड्दै गरेका एकजनाले यी तीनैलाई घाइते अवस्थामा सडकमा लडिरहेको देखेर प्रहरीलाई खबर गरेका थिए ।केशरी र राहुल चिराग दिल्लीमा भाडाको कोठामा बस्थे र उनीहरूलाई अस्पताल पु–याउँदा मृत घोषणा गरिएको थियो । लक्षु चाहिँ जहाँगिरपुरीमा बस्छन् र एलएनजेपी अस्पतालमा उनको उपचार चलिरहेको छ । मेडिकल रिपोर्टअनुसार तीनजना रक्सीको नशामा थिए, प्रहरीले बतायो । पीटीआईबाट