भक्तपुरमा पेट्रोल पम्पमा आगलागी चार जना घाइते
भक्तपुर । मध्यपुर थिमी नगरपालिका–१ लोकन्थली नजिकै सिद्धार्थ पेट्रोल पम्पमा आज साँझ आगलागी भएको छ । साँझ ६ बजेर ५० मिनेट जादा भएको आगलागीमा चार जना घाइते भएका छन् ।घाइतेमध्ये तीनजना उपचारपछि घर फर्केका छन् भने सीता तामाङको शिक्षण अस्पताल महाराजगन्जमा उपचार भइरहेको छ । उनको मुहारको केही भाग जलेको छ ।
ध्रुव महर्जनद्वारा सञ्चालन गरेको पम्पमा भएको आगलागीमा पम्प नजिकै पसल गरी बस्ने सीता तामाङ उनका श्रीमान राम तामाङ, निराजन उप्रेती र ट्यांकरका सहचालक पवन श्रेष्ठ भाग्ने क्रममा घाइते भएका छन् ।
बा.७ ख २७५० नम्बरको ट्याकरबाट पम्पमा पेट्रोल झारिरहेको अवस्थामा ट्याकरका चालक र सहचालकले आगो बलेको देखेपछि अन्यलाई खबर गरेका थिए ।
त्यसपछि पम्पमा भएको अग्नी नियन्त्रण ग्यासको मद्दत तथा तत्कालै प्रहरी र दमकल पुगेकाले ठुलो क्षति हुनबाट जोगिएको प्रहरीले जानकारी दिएको छ ।
ट्याकरले आधा पेट्रोल झारिसकेपछि अण्डर ग्राउन ट्याकी सुरक्षाको लागि बनाएको टहरोमा आगो लागेको महानगरीय प्रहरी वृत थिमीका प्रहरी नायब उपरीक्षक श्यामबाबु ओलियाले जानकारी दिए ।
Posts
0 comments:
Post a Comment